Iran hóttir við at steingja heindilsleiðina gjøgnum Reyðahavnið

Um USA framhaldandi stongir Hormuzsundið, ávarar iranski herurin um, at hann fer at steingja handilsleiðina gjøgnum Reyðahavið.

Tað skrivar BBC, sum endurgevur ein av ovastunum í herinum í Iran, Ali Abdollahi.

Hann sigur, at vápnaðu herdeildirnar í Iran hvørki fara at loyva útflutningi ella innflutningi at halda fram í Persaflógvanum, Omanflógvanum og Reyðahavinum.

Abdollahi nevndi tó ikki í hvørjum londum útflutningurin og innflutningurin kann verða raktur, hóast sjóøkini, sum hann nevnir, fevna um eitt sera stórt øki.

USA boðaði mánadagin frá, at skip til ella úr Iran ikki sleppa gjøgnum Hormuzsundið. 

Men kortini hava fleiri skip við tilknýti til Iran trossað stongslinum og eru farin ígjøgnum sundið, sum er einar 33 kilometrar breitt, har tað er smalast.

Í dag sigur amerikanski herurin, at "einki skip komu í gjøgnum blokkaduna" fyrstu 24 tímarnar, og seks handilsskip noyddust at venda aftur í Omanflógvanum.

Hormuzsundið