Friður í Libanon er ein treyt fyri friðartingingarnar millum Iran og USA

Pakistanski uttanríkisráðharrin Ishaq Dar sigur í dag, at friður í Libanon er ein treyt fyri friðartingingarnar millum Iran og USA.

Samstundis leggur hann dent á, at Libanon framvegis er fevnt av avtaluni um vápnahvíld millum USA og Iran, sum ósemja annars hevur verið um millum partarnar.

Ishaq Dar leggur aftrat, at USA og Iran eru sinnað at halda fram við tingingunum, men nýggjur fundur er ikki avtalaður enn.

Sambært altjóða greinaranum hjá TV2, Kristian Mouritzen, hevur friður í Libanon týdning, tí friðurin har er partur av eini rakett í trimum stigum, sum skal normalisera viðurskiftini við Iran.