Meistaradeildin: Topp-trý hildu kósina

Trý tey fremstu liðini vunnu øll teprar sigrar í Meistaradeildin við monnum í gjárkvøldið, men sigrarnir vóru teprir.

Petur Knudsen skoraði einasta málið fyri oddaliðið NSÍ, sum vitjaði EB/Streym við Margáir. Málið kom tá 55 minuttir vóru spældir.

Í Havn tók B36 ímóti 07 Vestur, og har avgjørdi Tobias Hansen dystin fyri heimaliðið beint fyri steðgin við einasta málinum í dystinum.

KÍ fekk eisini øll trý stigini við Djúpumýrar. Deni Pavlovic og Jákup Biskopstø Andreasen góvu meistaranum eina trygga leiðslu fyri steðgin, men tað gjørdist kortini spennandi, tá Bjarki Nielsen minkaði um munin við brotssparki í 80. minutti og Jean Carlos de Brito varð útvístur tríggjar minuttir seinni.

Víkingur vann seg leyst úr miðjuni við 2-1 sigri á Skála í Sarpugerði. Aron Benjaminsen og Arnbjørn Svensson skoraðu fyri heimaliðið fyri steðgin, og Simon Jørgensen minkaði um munin eitt korter fyri steðgin.

Á Svangaskarði skuldu B68 í HB spæla, men har metti dómarin, Leivur Zachariassen, at tað ikki var spælandi fyri vindi. Í staðin spæla liðini í kvøld, týskvøldið, klokkan 18.30.

Toppliðini trygg hjá kvinnum

Í Meistaradeildini við kvinnum vunnu toppliðini trygt. Brá Zakariasardóttir, sum varð tikin út til landsliðið í síðstu viku, skoraði tvey mál í 8-0 stórsigri hjá HB á NSÍ í Gundadali.

Malena Olsen skoraði tvær ferðir fyri KÍ, sum vann 5-0 á B36 í Havn, og undir Mýruhjalla á Skála vann Víkingur 3-0.