Frítekst tagging:
- Tíðindi, mentan og ítróttur
Eingin nýggjur vinnupolitikkur - heldur ítøkilig átøk á vinnuøkinum
Eingin nýggjur vinnupolitikkur - heldur ítøkilig átøk á vinnuøkinum
Jacob Vestergaard, landsstýrismaður, hevur svarað Fíu Selmu Nielsen, løgtingskvinnu
Jacob Vestergaard er landsstýrismaður í vinnumálum.
Mynd: Bjarni Árting Rubeksen
29.05.2026 - 09:34
Nýggjur vinnupolitikkur verður ikki orðaður í næstum.
Heldur verður dentur á at fremja ítøkilig átøk á vinnuøkinum, sum samgongan hevur sett sær fyri.
Tað sigur Jacob Vestergaard, landstýrismaður, í svari til Fíu Selmu Nielsen, løgtingskvinnu.
Hon hevði skrivligan fyrispurning um dagførdan vinnupolitikk, sum var svaraður í tinginum.
Fía Selma Nielsen, løgtingskvinna. (Mynd: Bjarni Árting Rubeksen)
Jacob Vestergaard sigur, at støðið undir føroyska vinnupolitikkinum var lagt í 1999.
Í 2005 var politikkurin lagaður til avbjóðingar og møguleikar í alheimsgerðini.
Vinnupolitikkurin frá 2005 er enn sum áður aktuellur, sigur Jacob Vestergaard.
Politikkur og lóggáva seinastu 20 árini vísa eisini, at vit hava fylgt og fylgja við skiftandi umstøðum, og broyta tað, sum skal broytast, svarar landsstýrismaðurin.
Er kopiera
Nýggjastu sendingar í ÚV
Nýggjastu sendingar í SV
