Semingsstovnurin hittir Heilsuhjálparafelagið og KAF í dag

Kommunala arbeiðsgevarafelagið, stytt KAF, og Heilsuhjálparafelagið fara á fund við Semingsstovnin kl. eitt í dag. 

- Tvey úr hvørjum parti fara á fundin at tosa um tað, sum vit eru ósamd um, og um møguleiki er at gera eitt semingsuppskot, sigur Mary Antonsdóttir, forkvinna í Heilsuhjálparafelagnum, í stuttari viðmerking.

Mikudagin í síðstu viku vrakaðu bæði Heilsuhjálparafelagið og KAF eitt semingsuppskot um ein eitt árs sáttmála - heilsuhjálpararnir millum annað tí, at tað gav ov lítið, og kommunalu arbeiðsgevararnir millum annað, tí tað var ov dýrt.

Og síðan hava ongar veruligar samráðingar verið, men nú hava partarnir kortini fingið fundarboð frá semingsmanninum.

Mary Antonsdóttir, Heilsuhjálparafelagið, KAF, semingsstovnurin

Frítekst tagging: 

Mary Antonsdóttir

Heilsuhjálparafelagið

KAF

Semingsstovnurin

Bjarni Árting Rubeksen

Nyttar ikki at koma aftur við vrakaða innihaldinum

Mary Antonsdóttir, forkvinna í Heilsuhjálparafelagnum,  segði við útvarpið leygardagin, at hon var fús at samráðast, men at tað ikki nyttaði bara at koma við innihaldinum í vrakaða uppskotinum.

Tí tað líkist ov nógv innihaldinum í semjuni, sum Fíggjarmálaráðið hevur gjørt við 12 fakfeløg á almanna arbeiðsmarknaðinum, har lønarkarmurin fyrsta árið er 3,87 prosent.

Per Martin Gregersen

Støðan fastlæst

Per Martin Gregersen, formaður í KAF, segði í stuttari viðmerking við útvarpið leygardagin, at støðan hevur verið fastlæst, síðan samráðingarnar byrjaðu, og er lítið broytt. 

- Nú semingsmaðurin kallar okkum saman aftur, man hann halda seg hava fingið okkurt frá pørtunum at arbeiða við, sum ger, at hann metir grundarlag vera fyri at royna seming aftur, segði Per Martin Gregersen, formaður í KAF, við útvarpið leygardagin.