USA og Iran samd um ikki at leypa á hvørt annað fyribils

USA og Iran hava gjørt semju um, fyribils, at gevast við at leypa á hvørt annað eftir álopini seinastu dagarnar, siga miðlar, sum sambært bretska kringvarpinum, BBC, endurgeva amerikanskar myndugleikar.

Boðini koma eftir áhaldandi álop í og við Hormuzsundið, sum hava havt við sær, at bæði lond hava ákært hvørt annað fyri at bróta vápnahvíldina.

Eitt amerikanskt embætisfólk hevur sambært BBC váttað fyri CBS News, at skip nú hava frítt at fara um sundið

- Báðir partar fara fyribils at gevast við álopum, og skip hava frítt at fara, sigur ein ónevnd amerikonsk kelda, sambært CNN.

Fyri minni enn tveimum vikum síðani skrivaðu USA og Iran undir avtalu um vápnahvíld, men kortini prutlar framvegis undir lokinum í stríðnum millum USA og Ísrael øðrumegin og Iran hinumegin.