Uppliva H.C.Andersen, Søren Kierkegaard og burðardyggar bygningar í Keypmannahavn

H C Andersen og Søren Kierkegaard eru millum kanska fimm teir kendastu donsku persónarnir nakrantíð. Hvørjir vóru teir og hvussu var teirra lív Keypmannahavn í 1800-1870?

Hetta er nakað av tí, sum Jóhannes greiðir frá, á kunningarferð runt í Keypmannahavn. Steðgað verður á seks ymiskum plássum, sum antin hava samband við H.C.Andersen ella Kierkegaard. Tað kunnu verða standmyndir, ella har onkur sitat hjá Kierkegaard eru feld niður í vegin.

- Tað eru mest ferðafólk úr øðrum londum sum bíleggja hesar túrar, men eisini hevur hann verið onkran túr við føroyingum, sigur Jóhannes.

Eisini gongur hann við ferðafólkum í økinum Ørestad Syd, har hann greiðir frá um burdardyggar bygningar.

- Eg búgvi sjálvur í Ørestad Syd, sum er eitt øki, sum fyri tretivu árum síðani, bara vóru markir, og nú tretivu ár seinni, búgva trettan túsund fólk her. Og tá man fór at býggja her, varð avgjørt, at man skuldi byggja eftir nýggjum prinsippum og byggireglum, og tí eru fleiri áhugaverdir bygningar her, sum eru so burðardyggir sum gjørligt, greiðir Jóhannes frá.

Hann býur sjálvur í einum búfelagsskapi, har tey hava skipað seg so burðardygg sum gjørligt. Har eru 81 íbúðir, men tey hava bara nakrar fáa bilar, sum tey deilast um. Og tey deilast eisini um klaver, amboð o.s.fr.

Lurta eftir samrøðuni við Jóhannes Miðskarð, har hann greðir frá um H.C.Andersen, Søren Kierkegaard og burðardyggar bygningar.