Ferðastuðul til at læra føroyskt

Næmingar, sum hava føroyskt sum annaðmál, fáa nú ferðastuðul.

Uppskot um kunngerð um tað er gjørt og sent til hoyringar.

Av tí at nógvir næmingar hava langan ferðaveg til undirvísingarstaðið, eiga tey fáa ferðastuðul, sigur Mentamálaráðið.

Samstundis verður kunngerðin broytt soleiðis, at nýkomnir næmingar í føroyskum sum annaðmál kunnu fáa ferðastuðul innanoyggja, hóast teir ikki hava rætt til vanligan lestrarstuðul.