Persónliga mennandi at tulka løg og orð hjá øðrum

Røddin hjá Greta Svabo Bech, tónlistakvinnu, bleiv kend, áðrenn hon sjálv hevði givið egnan tónleik út.

Tað var í 2010, tá hon sang á Grammy-tilnevnda lagnum hjá Deadmau5, "Raise Your Weapons". Tí hevur spurningurin um, "hvat tað merkir at syngja orðini hjá øðrum", fylt nógv í hennara hugaheimi.

Nú 16 ár eftir, hevur hon sett sær fyri at kanna spurningin: hvat tað merkir at syngja orðini hjá øðrum, og í hvønn mun kensluligi týdningurin í einum lagi býr í orðunum og lagnum og í mátanun, tað verður framført og latið í.

- Tað hevur verið ein spenanndi tilgongd, og eisini ein frígerandi kensla. Eg havi funnið útav, at mann saktans kann fortelja søgur gjøgnun orðini og hjá øðrum, og gera eitt lag til "sítt egna" við at leggja sína sál í tað og lata tað í sín egna tónleikaliga ham, sigur Greta.

Un Covered er tikin upp í lítla býnum Duras í Suðurvesturfraklandi, har Greta býr saman við manninum Fredd Ruddick og dóttir teirra.
Fredd Ruddick og Greta hava framleitt útgávuna saman.

Verkætlanin fevnir um fýra ikonisk poppløg. Fyrsta lagið, sum kom út, var "Torn", sum Scott Cutler, Anne Preven og Phil Thornalley skrivaðu í 1993, men sum bleiv heimskent í 1997, tá Natalie Imbruglia tulkaði tað.

Í dag kom næsta lagið í verkætlanini: "Girls just wanna have fun". Tað varð skrivað av Robert Hazard í 1979, men bleiv veruliga kent, tá Cyndi Lauper spældi tað inn í 1983.

Lurta eftir samrøðuni við Gretu Svabo Bech, har hon greiðir frá um verkætlanina og sínari tulking av hesum løgunum: