Politiið kannar herverk á vatnbrunnar hjá Bakkafrosti

Kanningardeildin hjá politinum kannar nú málið um vatnið hjá Bakkafrosti í Skálavík.

Hósmorgunin í síðstu viku sóu fólk hjá Bakkafrosti, at allir fýra ventilar á vatnbrunnunum hjá Bakkafrosti til smoltstøðina í Skalavík vóru latnir upp.

Vatnið, sum skuldi fara í smoltstøðina, fór í ánna í staðin fyri, og við henni út á sjógv.

Hetta var meldað.

Kári Jacobsen, kanningarleiðari, sigur, at málið verður kannað.

Politiið hevur verið í Skálavík.

Tøkniligar kanningar eru gjørdar á staðnum, og avhoyringar hava verið.

Kári Jacobsen veit ikki, nær kanningin verður liðug.