Skúlastjórar mæla frá at leggja skúlar saman

Fleiri skúlastjórar í smærri fólkaskúlum eru ósamdir við stjóranum í Undirvísingarstýrinum, sum mælir til at leggja smærri fólkaskúlar og flokkar saman. 

Skúlastjórarnir í Sumbiar skúla og í Porkeris skúla halda, at tað verður til størri skaða enn gagn í teimum smáu bygdunum.

- Fyri mær er tað, sum tey ikki vita, hvussu tað er í lítlum skúla. Vit vita øll, at skúlin er hornasteinurin í bygdini, sigur skúlastjórin í Sumbiar skúla, Amy Thomsen.

Skúlastjórin í Porkeris skúla, Cecilia Nolsøe Sørensen, vísir á, at tað fer at køva mentanarligu eyðkennini í smáu bygdunum.

- Eg haldi ikki, at tað ber til at samanbera skúlanýskipanir í øðrum londum við støðuna í Føroyum, tí vit eru eitt heilt serstakt lokalt smáoyggjasamfelag, sigur hon.

Hoyr innslag í útvarpstíðindunum: