Eingin avgerð enn um apotek og heilsumiðstøð

Landsstýrið hevur ikki enn avgjørt, um Suðuroyar apotek á Tvøroyri skal umvælast ella onnur høli skulu útvegast og, hvar heilsumiðstøðin í Suðuroynni skal vera.

Heilsu- og Orkumálaráðið hevur fyri stuttum fingið svar frá kommununum í Suðuroynni um heilsumiðstøðin í Vági skal útbyggjast ella nýggj heilsumiðstøð skal byggjast.

Svarini vera nú viðgjørd.

Tað sigur Eyðdis Hartmann Niclasen, landsstýriskvinna, í svari til Jenis av Rana, løgtingsmann.

Í sambandi við viðgerðina verður støða eisini tikin um Suðuroyar apotek, sigur landsstýriskvinnan.

Talan hevur verið um at hava tvær heilsumiðstøðir í Suðuroynni.

Men kommunur í sunnaru helvt í Suðuroynni og læknar vilja hava eina miðstøð fyri alla oynna.