Føroyar mugu gerast sjálvstøðugar fyri at fáa betri marknaðaratgongd

Jóannes Eidesgaard, fyrrverandi løgmaður, heldur ikki, at tað fer at eydnast at fáa Føroyum stórvegis betri marknaðaratgongd í ES ella aðrastaðni, um Føroyar ikki kunnu samráðast vegna seg sjálvar sum sjálvstøðugt land.

Tað segði hann, tá hann í gjár var viðmerkjari í Breddanum, sum millum annað viðgjørdi fundin millum Beinir Johannesen, løgmann, og ES-forkvinnuna, Ursulu von der Leyen, í Grønlandi.

Jóannes Eidesgaard vísti eisini á, at føroysku orsøkirnar til, at vilja nærkast ES, als ikki eru tær somu, sum vit hava sæð í Íslandi, ið júst hevur havt fólkaatkvøðu um spurningin. 

Ísland hevur ikki trupulleikar við marknaðaratgongd, men við eitt nú inflasjón, óstøðugum gjaldoyra og høgari rentu.

Tey viðurskiftini eru í lagi hjá Føroyum, segði hann, men í staðin er marknaðaratgongdin ein stórur trupulleiki hjá okkum.

Niels Winter

Frítekst tagging: 

Niels Winter

Stjórin í Vinnuhúsinum, Niels Winther, staðfestir eisini, at vit eru ongan veg komin at fáa betri marknaðaratgongd í ES. 

Hoyr innslag í útvarpstíðindunum:

Hoyr allan Breddan her.