21 stilla upp til 17 sessir

21 fólk, átta kvinnur og 13 menn, stilla upp til teir 17 sessirnar í umboðsráðnum hjá Ognarfelagi tryggingartakaranna, sum veljast skulu nú.

Tíggju teirra eru longu í ráðnum.

So tey stilla uppaftur.

Valið er talgilt og endar 27. september.

35 fólk eru í umboðsráðnum.

Umboðsráðið skipar aðalfundir felagsins, velur nevndina í Ognarfelagnum, góðkennir ársroknskapin hjá felagnum og ger viðtøkubroytingar.