Fara ikki í Landsrættin við dómi um eld

Ákæruvaldið fer ikki í Landsrættin við dóminum hjá Føroya rætti um eldin á almenna vesinum í Mylnugøtu í Havn.

Ákærdi maðurin var frídømdur í Føroya rætti.

Ákæruvaldið prógvaði ikki, at tað var maðurin, sum var ákærdur, sum setti eld á, sigur rætturin.

Ákæruvaldið kravdi níggja mánaða treytaleysa fongsulsrevsing.

Og tryggingin kravdi eina millión og 250.000 kr.

Noktaði seg sekan

Ein 70 ára gamal maður var ákærdur fyri eldásetingina seinnapartin 9. november 2024.

Sambært ákæruritinum festi hann í ein serviett, sum hann so tveitti í eina ruskspann inni í hølinum.

Maðurin noktaði seg sekan.

Dómurin hjá Føroya rætti er endaligur.