Undirvísingarstýrið og Nám verða løgd saman á nýggjárinum

Bárður á Lakjuni, landsstýrismaður í mentamálum, hevur gjørt av leggja Undirvísingarstýrið og Nám løgd saman í ein stovn frá 1. januar 2027.

Bygnaðarligu broytingarnar, sum byrjaðu við, at Sernám gjørdist partur av Undirvísingarstýrinum, halda sostatt fram, sigur Mentamálaráðið.

Tilgongdin byrjar beinanvegin at tillaga bygnaðin og skapa samanhangandi tænastur til dagstovna- og útbúgvingarøkið. Samanlagdi stovnurin umfatar menning, tænastur, ráðgeving, tilfar, KT, eftirmeting og fyrisiting v.m.

Stjórin í Undirvísingarstýrinum skal standa á odda fyri samanleggingini

Tað verður stjórin í Undirvísingarstýrinum, Hjalmar Hansen, sum fer at hava leiðsluna av samanleggingartilgongdini í tøttum samstarvi við Eyðun Gaard, stjóra í Námi. Leiðslurnar á báðum stovnum vera við í tilgongdini saman við øllum starvsfólkunum. Aðrir partar verða eisini knýttir at tilgongdini eftir tørvi.

Málið við samanleggingini er at røkka einum betri samanhangi í virkseminum til gagns fyri skúlar og dagstovnar á ein fjølbroyttan hátt. Samstundis verður roknað við ávísum skipanarligum fyrimunum, sum viðføra ein meiri kostnaðareffektivan rakstur, sigur Mentamálaráðið.

Samanlagdi stovnurin fer at hava 88 ársverk og eina játtan á 91,5 mió.krónur.

Í fíggjarlógaruppskotinum fyri 2027 verður roknað við at spara tilsamans tríggjar milliónir kr.