Eldraøkið í Klaksvíkar kommunu 21 milliónir í halli næsta ár

Fíggjarkarmurin hjá Klaksvíkar kommunu fyri 2027 vísir, at eldraøkið fer at geva 21 mió. krónur í halli næsta ár.

Tað er ein tvífalding av hallinum í ár, sum er 10 milliónir.

Karl Johansen

Fíggjarkarmurin, sum Klaksvíkar býráð samtykti í síðstu viku, vísir avlop, og tá rentur og avdráttir eru tikin av, hevur kommunan 59,5 mió. krónur eftir til íløgur.

Hvørjar íløgur talan verður um, skal býráðið taka støðu til, men eldraøkið fer helst at standa frammarlaga, væntar Karl Johansen, borgarstjóri.

Hoyr innslag í útvarpstíðindunum: 

Framrokningarnar hjá kommununi vísa annars, at við ársenda í ár verður skuldin hjá kommununi 77 mió. undir eini álíkning.

Og um fíggjarætlanin fyri 2027 heldur, kemur kommunan 100 mió. undir eina álíkning.

Ein skattaálíkning hjá Klaksvíkar kommunu er í ár 421 mió. krónur.