Nýtt felag ætlar at leita eftir olju

Atlantic Petroleum og tvey smápartafeløg, 7/5 26 í Hósvík og Vita í Kollafirði, hava stovnað partafelagið Atlantic Energy and Minerals.

Endamálið hjá felagnum er leita eftir, útvinna og gagnnýta orku, mineral og onnur náttúrutilfeingi.

Í nevndini eru Niels Winther Poulsen, hann er formaður, Gunnbjørn Joensen, Halgir Winther Arge og Jógvan Martin Ferjá Joensen.

Stjóri er Mourits Joensen.

Partapeningurin er 500.000 kr.

Atlantic Petroleum boðaði frá fyri tveimum vikum síðani, at søkt er um loyvi at leita og vinna olju við Føroyar.