Vesturheimurin óttast at Ukraina dettur sundur

- Tað kann hvørki verða í áhugamálum hjá Ukraina, Russlandi, Evropa ella USA, at landið syndrast, sigur tjóðskaparligi trygdarráðgevin hjá USA, Susan Rice.

Hon ávarðar Russland ímóti at senda herin inn í Ukraina.

Ávaraði Lavrov

Amerikanski uttanríkisráðharrin, John Kerry, ávaraði eisini sunnudagin russiska starvsfelagan, Sergej Lavrov, ímóti at blanda seg í viðurskiftini hjá grannunum.

- USA tekur sum givið, at ukrainska fullveldið verður virt, og at fólkið fær loyvið at nýta sín demokratiska rætt at velja, hvørja kós Ukraina velur, sigur ein framsøgumaður hjá amerikonsku stjórnini.

John Kerry hevur eisini gjørt greitt, at USA stuðlar avgerðina hjá tjóðartinginum at koyra Viktor Janukovitsj, forseta, frá, og at velja eina fyribils stjórn. 

Lavrov ónøgdur

Russiski uttanríkisráðharrin, Sergej Lavrov, er hinvegin ógvuliga ónøgdur við nýggju støðuna í Ukraina. Hann skuldsetur tjóðartingið fyri at hava brotið avtaluna við Janukovitj, forseta, fríggjadagin.

Segej Lavrov metir tískil, at andstøðan av órøttum hevur tikið valdið úr hondum Janokovitsj.

Kelda: NTB/Aftenposten/CNN