ST aðalskrivarin til Grønlands í næstu viku

Ban Ki-moon, ST-aðalskrivari, vitjar í Grønlandi í næstu viku. Danski forsætismálaráðharrin, Helle Thorning-Schmidt, verður vertur á ferðini saman við grønlendsku landsstýriskvinnuni Alequ Hammond.

ST-aðalskrivarin skal síggja avleiðingarnar av veðurlagsbroytingunum í Grønlandi áðrenn toppfundur verður í New York 23. september um veðurlagsbroytingarnar.

Fundurin er fyrsta stigið í enn eini roynd at fáa heimsins lond at semjast um at minka um útlátið av veðurlagsgassum.

Seinasta veruliga royndin at gera nakað við trupulleikarnar var á COP15 ráðstevnuni í Keypmannahavn í 2009. Tað eydnaðist tó ikki.

Toppfundurin í New York í september skal síggjast sum ein liður í enn einari veruligari roynd at fáa semju um at minka útlátið á næstu veðurlagsráðstevnuni, COP 19, ið verður í Paris í 2015.