Tróndur og Barbara innstillað

Tónaverkið "Barbara" hjá tónaskaldinum Tróndi Bogasyni er í uppskoti til tónlistaheiðurslønina hjá Norðurlandaráðnum. 

"Barbara" er skrivað í 2009 fyri slagverk, kór og elektronikk sum ein dansiframsýning. Barbara er millum sýnd í Danmark, Føroyum og Íslandi. 

Verkið byggir á skaldsøguna "Barbaru" hjá Jørgen-Frantz Jacobsen, og tónleikurin er settur saman av fýra kingoløgum, sum verða nýtt á ymsar mátar.

Solistur ella fleiri sangarar syngja, ofta í senn.

Tróndur Bogason er útbúgvið tónaskald á Kongaliga konservatoriunum í Keypmannahavn í 2007.