Løgmaður: Fólkaflokkurin skal loysa trupulleikan

Løgmaður hevur biðið Fólkaflokkin um at fáa skil á viðurskiftunum í sambandi við tollmálið.

Tað er úrslitið eftir innanhýsis fundin í Sambandsflokkinum í dag, sum snúði seg um tollmálið og Jørgen Niclasen.

Eftir fundin, sum vardi  út við fimm tímar, hevur løgmaður tosað við Jørgen Niclasen og sagt, at Fólkaflokkurin sjálvur má finna eina loysn á ófriðinum, sum tollmálið hevur elvt til í samgonguni.

Tingmanningin hjá Sambandsflokkinum heitti mikudagin á løgmann um at biðja Jørgen Niclasen taka seg úr starvinum sum landsstýrismaður. Hesum sýtti Jørgen Niclasen fyri.

Í løtunii ætlar løgmaður ikki at loysa landsstýrismannin úr sessinum, men hevur biðið Fólkaflokkin sjálvan loysa málið.

Meiri verður at frætta í útvarpstíðindunum.