Ferðastuðul í Mín Boks

Nú ber eisini til at søkja ferðastuðul frá TAKS gjøgnum Mína Boks, og samstundis er ikki longur neyðugt við arbeiðsgevarváttan á umsóknarblaðnum.

Ein nýggj kunngerð, sum kom í gildi 8. desember, strikar kravið um, at arbeiðsgevarin skal vátta fyri starvssetan.

Í januar kann aftur søkjast um ferðastuðul. Taks sigur, at verður søkt um ferðastuðil 12. januar, hevur tú peningin á kontu 17. februar, men verður søkt gjøgnum Mína Boks, hevur tú peningin longu 10. februar. 

Søkjast kann um ferðastuðul í januar og juli, og vanliga fær Taks umleið 3.000 umsóknir um hálvárið.