Basa ebola í ár

Í Sameindu Tjóðum vænta tey, at tað verður ómetaliga torført, men ábendingar eru um, at smittan fer at hasa av.

- Vit fara at gera enda á sjúkuni í hesum árinum, sigur Anthony Banbury, sum hevur staðið á odda fyri ebola-tilbúgvingini hjá ST, við BBC.

Har vesturi í Afrika eru 20.206 fólk smittað av ebola, upplýsir heimsheilsustovnurin, WHO. Minst 7905 fólk eru deyð av sjúkuni síðan desembur í 2013.