- Tíðindi, mentan og ítróttur
Suðuroyggin aftur fulla orku á breiðbandinum
Suðuroyggin aftur fulla orku á breiðbandinum
Radiosambandið til Suðuroyar er styrkt, so at breiðbandið aftur koyrir við nøktandi ferð, skrivar FT net í einum tíðindaskrivi
Mynd: Savnsmynd
13.02.2015 - 08:35
Samstundis verður arbeitt við at umvæla brekini á kaðlunum til Suðuroyar.
Fríggjadagin 30. januar kom brek á sjókaðalin millum Suðuroy og Sandoy. Hetta hevur síðan tá havt ávirkan á nakrar av fjarskiftistænastunum í Suðuroy. Serliga eru tað breiðbandstænasturnar, sum hava havt avmarkaða orku.
Seinnapartin í gjár varð nýtt radiosamband sett upp, sum hevur við sær, at breiðbandstænastan aftur virkar sum vanligt, skrivar FT net. Arbeitt verður víðari við at umvæla tey brek, sum nú eru á sjókaðalsambandinum til Suðuroyar. Um viðrar, verður brekið á kaðalinum millum Skálavík og Víkarbyrgi væntandi umvælt seinni í hesari vikuni ella í komandi viku.
Les eisini: Suðringar kunnu fáa avsláttur fyri kaðalsamband
Nýggjastu sendingar í ÚV
Nýggjastu sendingar í SV