Fult diplomatiskt samband millum USA og Kuba

Seinni í dag kemur kubanski uttanríkisráðharrin Bruno Rodriguez til Washington at hitta amerikanska uttanríkisráðharran John Kerry.

Men fyri tað um diplomatiska sambandið er tikið upp aftur, eru framvegis avmarkingar í viðurskiftunum landanna millum.

Amerikanarar hava framvegis ikki frítt at fara til Kuba sum ferðafólk, og amerikanska handilsbannið móti Kuba er framvegis í gildi. Tað hevur m.a. við sær, at amerikanskar fyritøkur ikki kunnu gera íløgur í kubanskt vinnulív.

Kubanski forsetin, Raul Castro, hevur heitt á Barak Obama, forseta, um at taka handilsbannið av, tí so leingi tað er í gildi, verða viðurskiftini landanna millum ikki vanlig aftur.

Men skal handilsbannið takast av, skal amerikanska kongressin gera tað.

Fyrsti amerikanski sendiharrin í Havanna er Jeffrey De Laurentis. Hann hevur framman undan verið sendimaður á teirri umboðsstovu, sum USA hevur havt á Kuba.