Vilja hava Føroyar í EFTA

Í samgonguskjalinum stendur, at samgongan fer at stremba eftir sjálvstøðugum limaskapi í EFTA, Norðurlandaráðnum, WTO, heimshandilsfelagsskapinum, og IOC, sum er Altjóða olympiska nevndin.

Í EFTA eru fýra lond, sum ikki eru í ES. Tey eru Ísland, Noreg, Sveis og Liktinstein. EFTA og ES hava samstarv, sum verður kallað EBS samstarvið. Samgongan ætlar at endurskoða uttanríkispolitisku heimildarlógina frá 2005.

SÍ EISINI EFTA? Nei takk!

Tjóðveldi og Framsókn hava áður sagt at uttanríkispolitiska heimildarlógin hevur bundið enn meira fyri møguleikanum hjá føroyingum at virka millum onnur fólk í heiminum.

Flokkarnir siga, at við hesi lógini varð fyri fyrstu ferð samtykt ein donsk fatan av einum donskum eindarríki, føroyingar bara eru fulltrúar vegna Danmark á altjóða pallinum.

Nýggja samgongan ætlar eisini at fáa betri handilssáttmálar við onnur lond og fríhandilshandilsavtalu við ES.