Aldur laksur og endurnýtt brúsuvatn tey bestu í ár

Fyri aðru ferð er Bakkafrost kosin ársins føroyska fyritøka vinnudagin, sum var í gjár. Bakkafrost var eisini ársins virki í 2009.

Fyritøkan Defined Energy er ársins átak í 2015.  

Fyritøkan í Gøtu hevur ment ein hitavekslara, sum endurnýtir hita úr heita vatninum undan brúsum til at hita kalda vatnið, áðrenn tað rennur aftur í ketilin.

Hitavekslarin er longu settur upp í svimjihylunum í Havn og á Skála, men fyritøkan ætlar sær meira.