Assad til reiðar at stilla upp

Sýriski forsetin, Bashar al-Assad, er til reiðar at stilla upp aftur til forsetaval í krígsherjaða landinum.

Tað sigur russiski tjóðartingslimurin, Alexandr Jusjtjenko, sum hevur hitt sýriska forsetan í Damaskus.

Assad skal hava sagt, at hann er til reiðar at hava tjóðartings- og forsetaval, men nevndi ikki nær. Hann segði seg somuleiðis vera til reiðar stilla upp aftur til forsetavalið.

Jutsjenko, sum hevur hitt Assad, sigur, at Assad er til reiðar at tosa um stýrisskipanarligar broytingar og politisk val, men ikki fyrr enn Sýria hevur sloppið sær av við yvirgangsfelagsskapin IS, ella ISIL, sum hann eisini verður nevndur.

Hildið verður, at fráboðanin ikki fellur í góða jørð hjá tí hóvliga vonginum av uppreistrarfólkum ella hjá USA, sum heldur, at Assad ikki skal hava nakran leiklut í sýriskum politikki í framtíðini.

Rusland harafturímóti stuðlar stýrinum hjá Assad.