Mentamálráðið fingið frágreiðing

Poul Geert Hansen, aðalstjóri í Mentamálaráðnum vildi í gjár ikki útgreina nærri, hvat stendur í frágreiðingini, tí landsstýriskvinnan í mentamálum hevur ikki sæð frágreiðingina enn.

Tað, sum í seinastuni hevur verið frammi í miðlunum um tíðarkarmin fyri Marknagilsdepilin, hevur elvt til høvuðbrýggj í landsfyrisitingini.

TG-Verk: Skúlin hálvt ár seinkaður

Størsti arbeiðstakarin í Marknagilsdeplinum, TG-Verk, hevur sagt, at depilin verður ikki liðugur 24. november næsta ár, sum Landsverk annars hevur sagt. TG-Verk sigur, at Marknagilsdepilin verður helst liðugur summarið 2017.

Í fyrradagin vóru aðalstjórin í Mentamálaráðnum, sum eigur Marknagilsdepilin, og aðalstjóran í Samferðslumálaráðnum, sum varðar av Landsverki, ið er byggiharri, á fundi.

Á fundinum varð Landsverk biðið um at koma við einari frágreiðing, og hana fekk Mentamálaráðið í gjár, mikudagin.