Víðgongdu høgraflokkarnir í Evropa stóra framgongd

Fleiri meiningakanningar eru gjørdar í Evropa seinastu tíðina, og allar kanningar vísa, at flokkar, sum eru ímóti tilflytarum, hava framgongd.

Í Noregi hevur Framburðsflokkurin 4,5 prosentstig í framgongd, í Svøríki hava Svøríkisdemokratarnir 4,7 prosentstig framgongd, og í Danmark er framgongdin hjá Danksa fólkaflokkinum 2,7 prosentstig.

Í Hollandi er størsta broytingin, tí har hevur Flokkurin fyri frælsi 14,6 prosentstig í framstigi.

Eygleiðarar eru ikki í iva um, at tað eru nógvu flóttafólkini og yvirgangsatsóknirnar, sum gera, at framgongdin er so stór.