- Tíðindi, mentan og ítróttur
Grønlendski útflutningurin minkar
Grønlendski útflutningurin minkar
Sambært tølum frá grønlendsku hagstovuni, so minkaði útflutningurin við 12 prosentum í 2015
Minni útflutningur av uppsjóvarfiski er høvuðsorsøk til vánaligu útflutningstølini hjá Grønlandi í ár
22.12.2015 - 10:29
Higartil í ár hevur Grønland útflutt fyri 237 milliónir minni enn sama tíðarskeið í fjør. Tað er serliga vánaliga makrel-vertíðin, sum er orsøk til afturgongdina, skrivar blaðið sermitsiaq.gl.
Útflutningurin av upsjóvarfiski er minkaður við 69,1 prosenti samanborið við sama tíðarskeið í 2014.
Grønland útflutti í triðja ársfjórðingi í ár fyri góðar 1.8 milliardir krónur.
Lítil minking í innflutningi
Sama tíðarskeið innflutti Grønland fyri áleið 2.9 milliardir krónur. Tað eru 21 milliónir ella 0.7 prosent minni enn somu tíð í fjør.
Orsøkin til tað er í høvuðsheitinum minni innflutningur av maskinum og flutningstólum.
Er kopiera
Nýggjastu sendingar í ÚV
Nýggjastu sendingar í SV
