Handtikin fyri at skalla duravørð

Ein duravørður í Havn fekk smærri snuddir, tá ein maður skallaði hann uttan fyri eitt skeinkistað um fýratíðina í morgun, upplýsir vakthavandi á politistøðini í Havn.

Maðurin, ið skallaði, varð handtikin, og verður í løtuni avhoyrdur á politistøðini. Duravørðurin, ið varð skallaður, skal eisini avhoyrast í málinum seinni.

Ein maður í Suðuroynni meiðslaði fótin um nátturðatíð leygarkvøldið, tá ein ávirkaður bilførari koyrdi á fótin á manninum. 

Og í Eysturoynni varð ein maður tikin fyri at koyra ávirkaður. Tað hendi í Leirvík um sekstíðina í morgun, upplýsir vakthavandi á politistøðini í Havn.