Fer nú at greiða frá øllum tí, hann veit

Ein fyrrverandi kanningarleiðari fer í dag at greiða eini norskari kanningarnevnd frá øllum smálutunum við eldsbrunanum á Scandinavian Star í 1990

Flemming Thue Jensen (innsettur í myndina), ið sigur seg vita, hvør setti eld á Scandinavian Star, fer fyrrapartin at greiða norskari kanningarnevnd frá øllum tí, hann veit um vanlukkuna í 1990

Mynd: Savnsmynd/AP

Bjarni Mohr

22.02.2016 - 10:38

Nú kemur sannleikin fram um eldsbrunan umborð á Scandinavian Star í 1990. Í øllum førum um ein maður hevur avgerðina einsamallur.

Flemming Thue Jensen, fyrrverandi skipsinspektørur og kanningarleiðari, fer fyrrapartin at greiða frá øllum tí, hann veit um vanlukkuna, tá 159 fólk doyðu.

Fyrrverandi kanningarleiðarin skal fyrrapartin hitta norsku kanningarnevndina, sum norska Stórtingið setti í mai mánað í fjør, skrivar DR.

Ikki álit á norsku løgregluni

Flemming Thue Jensen, ið – eftir tøgn í 26 ár – nú bart út ætlar at fortelja kanningarnevndini um allar smálutirnar í vanlukkuni.

- Eg fari at fortelja teimum nógv meira, enn eg fortaldi á tíðindafundinum, sigur fyrrverandi skipsinspektørurin og kanningarleiðarin.

Flemming Thue Jensen gleðir seg at hitta kanningarnevndina, tí norsku løgregluni hevur hann ikki álit á, sigur hann sambært miðlum.