- Tíðindi, mentan og ítróttur
Mótmæla ætlanum hjá Norðurkorea
Mótmæla ætlanum hjá Norðurkorea
Kina og Russland góðtaka ikki, at Norðurkorea ger royndir við at framleiða kjarnorkuvápn, siga uttanríkisráðharrarnir í teimum báðum londunum
Hvørki Russland ella Kina góðtaka norðurkoreansku royndirnar at gera atomvápn. Á myndini, ið varð tikin fyrst í februar, ger Norðurkorea klárt at skjóta eina langtberandi rakett út í rúmdina
Mynd: Savnsmynd/AP
11.03.2016 - 16:53
Russiski og kinesiski uttanríkisráðharrarnir hava sagt norðurkoreanskum myndugleikum, at teir eiga at koma aftur altjóða samráðingar um kjarnorkuna og halda ST-yvirlýsingina, sum setur forboð fyri at royndarskjóta rakettir.
Russiski uttanríkisráðharrin, Sergej Lavrov, og kinesiski starvsfelagi hansara, Wang Ji, hava havt fund í Moskva. Teir siga eisini, at hvørki Russland ella Kina góðtaka norðurkoreansku royndirnar at gera atomvápn.
Norðurkorea royndarsprongdi 6. januar atomvápn, og tað fekk ST-trygdarráðið at herða tiltøkini móti landinum. Norðurkorea svaraði aftur í síðstu viku við at skjóta seks rakettir út í Japanska Havið.
Er kopiera
Nýggjastu sendingar í ÚV
Nýggjastu sendingar í SV
