Løgreglan kannar álop á svenskar heimasíður

Talan er helst um samskipað álop. Leiðandi redaktørurin á Expressen, Thomas Mattsson, skrivar á Twitter, at talan er um álop frá teldusníkum.

Greinin heldur fram niðanfyri

Det är naturligtvis mycket allvarligt att svenska nyhetssajter attackeras. Men att någon vill stoppa nyhetsförmedling bekräftar dess värde.

— Thomas Mattsson (@ThomasMattsson) March 19, 2016

- Tað er sjálvandi álvarsligt, at svenskar tíðindasíður verða álopnar. Men at nakar roynir at steðga tíðindaflutninginum prógvar, hvussu umráðandi hann er, skrivar hann.

Svenska stjórnin verður kunnað um støðuna so hvørt. Kanningar eru settar í verk, og tær hava higartil víst, at álopið er skipað umvegis Russland.

Beint áðrenn heimasíðurnar doyðu, varð ein hóttan løgd út á eina anonyma Twitter-kontu um, at fleiri álop fóru at koma.

Greinin heldur fram niðanfyri

The following days attacks against the Swedish goverment and media spreading false propaganda will be targetted.

— J (@_notJ) March 19, 2016

- Næstu dagarnar standa svensku myndugleikarnir og fjølmiðlar, sum breiða út falska propaganda, fyri skotum, stóð í hóttanini. Løgreglan kannar eisini hesa slóðina, skrivar Aftonbladet.

Svenski innanríkisráðharrin, Anders Ygeman, tekur hendingina í størsta álvara. Tað er ræðandi, at tað finnast kreftir, sum vilja kvæla fría orðið, sigur hann.

Ov tíðliga at koma við niðurstøðu

- Tað er ov tíðliga at koma við niðurstøðu um, hvat er hent, men hatta vísír, hvussu neyðugt tað er at menna svensku KT-trygdina. Løgreglan kannar málið, og vit fylgja neyvt við gongdini, sigur Anders Ygeman.

Svenska trygdarløgreglan, Säpo, er við í kanninginum av álopinum hjá teldusníkum og fer at hjálpa løgegluni, skrivar Svenska Dagbladet.

Leygarkvøldið skrásetti svenska greiningarfyritøkan, NetNod, stóran vøkstur í ferðsluni á netinum til Svøríki úr Russlandi.