Minst 13 fólk latið lív í spreingingum

Í minsta lagi 13 fólk hava latið lív eftir eina røð av spreingingum í Brússel í morgun, sambært belgiskum fjølmiðlum

Tvær spreingingar hava í morgun verið í Zaventem-floghavnini í Brússel í Belgia. Óvist er, hvat orsøkin til spreingingarnar er

Mynd: The Telegraph á Twitter

Bjarni Mohr

22.03.2016 - 08:27

Tvær bumbuspreingingar hava í morgun verið í Zaventem-floghavnini í belgiska høvuðsstaðnum. Ein onnur spreinging hevur eisini verið á undirgrundarjarnbreytini í Brússel.

Talið á deyðum er fyribils komið upp á 13 fólk, sambært belgiskum fjølmiðlum. Belgisku myndugleikarnir hava tó ikki váttað talið enn.

Spreingingarnar í floghavnini vóru klokkan átta lokala tíð, meðan spreingingin á undirgrundarjarnbreytini í Maelbeek hendi umleið ein tíma seinni.

Greinin heldur fram niðanfyri

#BREAKING: Two loud explosions at #Zaventem airport in #Brussels pic.twitter.com/JFw9RGLjnh
— Anna Ahronheim (@AAhronheim) March 22, 2016

Í sjónbandinum oman fyri síggjast ferðafólk í Zaventem-floghavnini renna fyri lívinum eftir tær báðar spreingingarnar í floghavnini í morgun.

Spreingingarnar í morgun hendu samstundis sum belgiski høvuðsstaðurin er í hægstu tilbúgving eftir at ein av yvirgangsmonnunum í atsóknini í Paris í november varð tikin fríggjadagin.

Ferðafólk í floghavnini eru flutt burtur, samstundis sum stúrt verður fyri fleiri spreingingum. Øll tokferðsla til og úr Zaventem-floghavnini í Brússel er fyribils steðgað.