Taka ímóti fleiri flóttafólkum

21 flóttafólk úr Sýria koma til Íslands í næstu viku. Millum flóttafólkini er ein nýføðingur. Ísland fer at taka ímóti 55 flóttafólkum í ár, hini 34 komu í januar.

Flóttafólkini búgva í Kópavogi og í Hafnarfirði. Íslendska almannaráðið hevur boðað frá, at øll flóttafólk, sum koma til Íslands, fáa frálæru í íslendskum siðvenjum.

Peningur er longu játtaður

Tey 21 flóttafólkini, suma koma til Íslands í næstu viku, eru nú stødd í Libanon. Íslendska stjórnin samtykti í fjør at brúka fleiri pengar til flóttafólk.

Stjórnin í Íslandi heldur seg hava skyldu at taka flóttafólk og ávirka stórveldini til at royna at steðga borgarakrígnum í Sýria.

Nýggj flóttafólkalóg varð samtykt í Íslandi í fjør. Ísland kann til dømis velja, hvørji flóttafólk koma til landið, og nú eru 55 flóttafólk komin til Íslands í ár.