Merkel: Bretland skal verða í ES

- Tað hevði verið ein fyrimunur fyri okkum øll, sigur týski samveldiskanslarin, Angela Merkel, sambært BBC.

Á tíðindafundi í Berlin í gjár, segði samveldiskanslarin, at tað sjálvsagt er bretska fólkið, ið skal atkvøða um spurningin tann 23. juni.

Hon legði afturat, at støddin á evropeiska samveldinum hevur gjørt, at ES hevur fingið so góðar handilsavtalur við onnur lond.

Angela Merkel segði somuleiðis, at tað er neyðugt at vera partur av felagsskapinum fyri at røkka neyðugum úrslitum.