Leita eftir kvinnu á Støðlafjalli

Tá kvinnan ikki var komin aftur klokkan stívliga níggju í gjárkvøldið, varð ringt til politiið. Staðkend bjargingarfólk, fjallabjargarar, sjálvboðin, tyrla og hundur hava leitað síðani mánakvøldið.

Politiið samskipar leitingina. Nógvur mjørki var í gjárkvøldið, og tá bar ikki til at leita við tyrlu. Fólk tosaðu við kvinnuna í telefon í gjárkvøldið. Tá var alt í lagi.

Tá tey ringdu aftur seinni, var einki samband, upplýsir politiið. Kvinnan er kend á Støðlafjalli, hon hevur ofta gingið har.

Dagført 9:27: Saknaða kvinnan varð funnin deyð um átta tíðina.