Bretsku bløðini ymisk á máli um fólkaatkvøðuna

Í leiðaranum í blaðnum The Telegraph, sum áðrenn fólkaatkvøðuna hevði heitt á sínar lesarar um at atkvøða fyri at melda seg úr felagsskapinum, stendur millum annað, at nú er tíð til optimismu og eina nýggja byrjan.

Eisini The Daily Mail fegnast um úrslitið. Blaðið lýsir sigurin til ES-mótstøðufólkini sum uppreisturin hjá friðarligu fólkunum mótvegis einum hástórari politiskari stætt, sum ikki hevði samband við veljaran, og einari vanvirðiligari elitu í Brúsell.

Hinumegin stendur blaðið The Guardian, sum mælti bretum at halda fast í ES.

Plássið hjá Stórabretlandi í heiminum má nú hugsast av nýggjum, stendur í leiðaranum í The Guardian, sum metir, at framtíðin hjá Stóra Bretlandi er álvarsom og møguliga vandamikil.

Daily Mirror, sum eisini var fyri ES, spyr stutt og greitt á forsíðuni: Hvat í allari víðu verð fer nú at henda?"