Sjúkrahússtjóri: Nú kemur ein loysn

- Nú verður ein loysn funnin. Tað sigur Johnny í Grótinum, stjóri á Landssjúkrahúsinum, um screeningina fyri brótskrabba, ið leingi hava verið í úmbúna.

Í oktober í fjør søkti Landssjúkrahúsið eftir røntgenlækna at kanna allar kvinnur millum 50 og 69 ár fyri bróstkrabba.

Hetta skuldi gerast fyri at staðfesta tilburðir í góðari tíð, so 25 prosent færri bróstkrabbasjúklingar doyggja.

Ein útlendskur lækni áhugaður

Hóast 10 mánaðir eru lidnir, síðan roynt varð at fáa ein røngtenlækna í starv á fyrsta sinni, er eingin lækni settur enn at gera screeningarnar.

- Men nú er ein onnur loysn á veg, sigur Johnny í Grótinum, stjóri. Hann sigur, Landssjúkrahúsið hevur fingið útlendsk tilboð, sum leiðslan nú skal taka støðu til.

- Avgerðin verður tikin mánadagin, segði Johnny í Grótinum, stjóri á Landssjúkrahúsinum, við útvarpið í kvøld.