Fimm fólk handtikin fyri bumbu

Sjónvarpsstøðin ABC-News endurgevur ikki navngivnar keldur, og FBI hevur ikki váttað upplýsingarnar. CNN-sjónvarpsstøðin sigur, at løgreglan hevur steðgað fimm persónum og tikið teir við á løgreglustøðina

Sjónvarpsstøðin sigur tó einki um, at teir eru handtinir. 29 fólk fingu løstir, tá ein bumba brast í Chelsea-býarpartinum í Manhattan leygarkvøldið.

Greinin heldur fram niðanfyri

Øll fólkini vórðu útskrivað av sjúkrahúsinum í gjár, skrivar NTB-tíðindastovan. Ein onnur bumba varð seinni funnin skamt frá hinari bumbuni, men hendan var ikki brostin.

Guvernørurin í New York, Andrew Cuomo, segði sunnudagin, at talan er um yvirgang, men at enn vóru eingi tekin um, at altjóða yvirgangsbólkar skipaðu fyri atsóknini.

Dregur bumbuspreingina upp í valstríðið

- Tey, sum hava lagt bumburnar, skulu eltast og finnast, og tey skulu dømast, segði Andrew Cuomo, guvernørur í New York.

New York Times skrivar, at bumburnar vórðu gjørdar úr trýstkókarum, sum var fullur av splintum. Harumframt var ein fartelefon og jólaljós partur av bumbuskipanini.

Blaðið samanber bumburnar við tær, sum brustu, tá marathon var í Boston í 2013. Tær vóru eisini gjørdar úr trýstkókara, sum var fullur av splintum, millum annað seymum. Tá lótu trý fólk lív og 144 fólk fingu løstir.

Greinin heldur fram niðanfyri

Under the leadership of Obama & Clinton, Americans have experienced more attacks at home than victories abroad. Time to change the playbook!

— Donald J. Trump (@realDonaldTrump) September 19, 2016

- Meðan Obama og Clinton hava havt valdið í USA, hava fleiri álop verið enn vit hava upplivað sigrar á fremmandari jørð, skrivar forsetavalevnið, Donald Trump, á Twitter.

Nú má vend koma í, skrivar Trump. Hann sigur, at álopið leygardagin er prógv um, at trygdarpolitikkurin hjá demokratunum ikki riggar. Á Twitter vísir hann teimum, sum hava fingið løstir, samkenslu, og so langar hann til:

- Politikkurin hjá Clinton fer ikki at gera okkum trygg. Eg skal syrgja fyri, at USA verður trygt aftur!, skrivar Donald Trump á Twitter.