Sendimaður: Hetta kunnu Føroyar keypa úr Kirgisia

Tað er ein liður í ætlanunum at styrkja handilssamstarvið millum londini, sigur Bjørn Kunoy, sendimaður í Russlandi, við miðlarnar í Kirgisia.

Bjørn Kunoy hevur verið á fundi við vinnunevndina har, og í lokalum miðlum verður hann endurgivin fyri at siga, at Føroyar vilja keypa landbúnaðarvørur í Kirgisia.

- Vit hava kannað møguleikarnar, og vit halda, at vit kunnu flyta frystar landbúnaðarvørur úr Kirgisia um Sankta Pætursborg, sigur sendimaðurin.

Seks milliónir fólk búgva í gamla sovjetlýðveldinum í Miðasia.