- Tíðindi, mentan og ítróttur
Pundið lækkar støðugt
Pundið lækkar støðugt
Bretska pundið er lækkað meira enn 15 prosent í virði eftir bretsku fólkaatkvøðuna um limaskapin í ES
Bretska fólkaatkvøðan hevur ávirkað virðið á bretska pundinum tann skeiva vegin. Pundið hevur ikki verið so lágt í 30 ár
13.10.2016 - 09:05
Beint eftir fólkaatkvøðuna kostaðu 100 pund slakar 980 krónur. Nú kosta 100 pund slakar 825 krónur. Pundið hevur ikki havt lægri virði síðstu 30 árini.
Útlit eru fyri, at bretska pundið fer at lækka enn meira. Tað verður kortini ikki bara mett at vera av tí ringa, at pundið lækkar.
Kann vera gott fyri búskapin
Tað kann gera búskaparligu støðuna í Bretlandi betri, at pundið lækkar, tí tað verður bíligari at keypa vørur úr Bretlandi.
Gary Robson, deildarleiðari á ferðastovuni VisitBritian, heldur, at ferðafólk gera sær dælt av støðuni.
- Hagtølini vísa, at norðurevropearar koma hendanvegin at keypa, sigur hann, sambært bretskum miðlum.
Er kopiera
Nýggjastu sendingar í ÚV
Nýggjastu sendingar í SV
