Savna inn til familjur

Átakið "Í menniskjum góður tokki" er til frama fyri fíggjarliga sperdar barnafamiljur og er ætlað sum ein hjálpandi hond, nú jólini standa fyri durðum.

Samgongan strikaði sonevnda Barnabeinan, men hækkaði barnafrádráttin fyri tey minstu børnini í skattinum. Hartil er eisini møguligt at søkja um serligt familjuískoyti.

- Men børn í skúlaaldri hava framvegis brúk fyri fíggjarligari hjálp. Tað sigur Djóni Eidesgaard, leiðari í Barnabata, við útvarpið.

Biðja regluliga um hjálp

Barnafamiljur, sum hava ilt við at fáa endarnar at røkka, venda sær regluliga til Barnabata fyri at biðja um hjálp.

Barnabati sigur, at tey umvegis umsóknirnar um jólahjálp og í samskiftinum við nógvar av familjunum, hava fingið innlit í ein gerandisdag, sum er ógvuliga trupul fyri børnini.

Foreldur og børn siga sjálv frá, at ráð ikki eru til føðingardagar, frítíðarítriv, eina heita máltíð hvønn dag ella nýggj og góð klæðir