Bumba kostar mannalív í Turkalandi

13 turkiskir hermenn doyðu og 48 vórðu løstaðir, tá bussurin, teir sótu í, varð sprongdur í luftina í býnum Kayseri miðskeiðis í Turkalandi. 

Hetta skrivar Reuters. 

Sambært eygnavitnum, so hendi spreingin, tá ein bilur á tremur við spreingievni koyrdi framvið bussinum. 

Spreingingin hendi eina viku eftir, at 44 fólk vóru dripin í einum bumbálopi á Instanbul, sum tað verður hildið, at hernaðarligir kurdar stóðu aftanfyri.