Varðhaldsfongslaðir fyri dráp

Teir báðir menninir umborð á grønlendska trolaranum, Polar Nanoq, sum vórðu varðhaldsfonglsaður í Íslandi í gjár, eru varðhaldsfongslaðir fyri morð.

Menninir eru varðhaldsfongslaðir eftir grein 211 í íslendsku revsilógini, og hesin partur snýr seg um morð. Tað visti íslendski miðilin Vísir at siga í nátt.

SÍ EISINI Avhoyringar lidnar

Ein triðji maður, ið var við skipinum, er eisini varðhaldsfongslaður. Hetta tí, at løgreglan í samband við kanningararbeiðið umborð á Polar Nanoq kom fram á 20 kilo av hassji.

Maðurin varð handtikin umborð á trolaranum, tá hann kom í havn. Løgreglan tók mannin við á støðina, hann varð síðani avhoyrdur í gjár og varðhaldsfongslaður í gjárkvøldið.

Teir báðir menninir, sum eru tiknir fyri morð - og tann triðji, sum er tikin í samband við hassj - eru grønlendingar, skrivar grønlendska kringvarpið, KNR.