Teldusníkar gjørt seg inn á ensk sjúkrahús

Myndugleikarnir í Stóra Bretlandi stríðast av øllum alvi, so KT-skipanir hjá enskum sjúkrahúsum ikki verða álopin av teldusníkum

Teldusníkar hava í dag gjørt seg inn á KT-skipanir hjá fleiri sjúkrahúsum í Bretlandi. Tað vátta heilsumyndugleikarnir í landinum

Bjarni Mohr

12.05.2017 - 17:10

Teldusníkar hava í dag gjørt seg inn á KT-skipanir hjá fleiri sjúkrahúsum í Bretlandi. Tað vátta heilsumyndugleikarnir í landinum fyri enska blaðnum, The Guardian.

Fleiri sjúkrahús í Bretlandi vórðu eftir øllum at døma rakt samstundis. Sjúkrahúsini hava útsett allar avtalur og viðgerðir, sum ikki hava skund, har tað ikki stendur um lív.

Greinin heldur fram niðanfyri

Full statement from @NHSDigital on #nhscyberattack; @NHSDigital says attack is also affecting other organisations https://t.co/JMq98zVW8x pic.twitter.com/jao8OigdQP
— BBC Breaking News (@BBCBreaking) May 12, 2017

Neyðugt hevur verið at sløkkja allar KT-skipanir á sjúkrahúsum í Bretlandi fyri at verja ímóti álopunum frá teldusníkunum, so álopið ikki elvir til meira skaða enn neyðugt.

Álopið hjá teldusníkunum ávirkar ikki bara avtalur og viðgerðir á sjúkrahúsunum. Í løtuni kunnu sjúkrahúsini heldur ikki brúka telefonirnar, sum eru tengdar í netið, skrivar blaðið.