Álitið millum USA og Evropa minkar

- Tíðin, tá vit kundu hava álit á hvørjum øðrum, er við at fara. Tað hava eg uppliva seinastu dagarnar.

Soleiðis segði Angela Merkel, samveldiskanslari í Týsklandi, á einum veljarafundi í Munchen í dag.

Fremstu búskapirnir í heiminum - G7 londini - hava júst havt fund á Sisilia. 

A fundinum boðaði Donald Trump, forseti í USA, frá, at USA umhugsaði at taka seg úr París-sáttmálnum, sum londini hava gjørt um veðurlagsbroytingar.

Aftaná fundin staðfestur Angela Merkel, at álitið millum partarnar er minkandi.

Hóast Týskland og Evropa vilja hava gott samband við bretar (sum nú fara úr ES) og USA, "mugu vit stríðast fyri okkara lagnu", sigur Angela Merkel.